As máquinas

MÁQUINAS SIMPLES

TIPOS DE PANCAS

MÁQUINAS SIMPLES E COMPOSTAS

POLEA

TORNO

PANCA

PLANO INCLINADO

EXEMPLO DUNHA MÁQUINA COMPOSTA

O meu agradecemento á Web del maestro, ao blog Los Magníficos de la Ciencia, a Grandinauar, ao colexio Quercus e a Emmanuel Cortés.

Diversidade

Déixovos por aquí as vosas aportacións sobre a diversidade e o obradoiro que fixemos no 1º trimestre, ademáis dos vídeos por se vos apetece volver a velos.

Ola, nenos e nenas do colexio. No curso 2018-19, o día 5 de decembro viñeron darnos unha charla aos alumnos de 5º e 4º de Primaria. Pasámolo moi ben. Ao principio vimos unhas imaxes de nenos con algunha discapacidade e falamos deles, despois vimos un vídeo dun neno que se chamaba Diego, era cego e tiña unha profe que o axudaba como a nosa Fina. Despois fixemos un xogo, pintamos un mural, escribimos sen mans e o noso nome en braille e xogamos a un Trivial con preguntas relacionadas co tema.

A diversidade: significa variedade, pluralidade e diferenza. É un substantivo feminino que caracteriza todo o que é diverso, que ten multiplicidade. É a reunión de todo aquilo que presenta múltiples aspectos e que se diferencian entre si. Exemplos de diversidade: cultural, biolóxica, étnica, lingüística, relixiosa...

Este é Guillerme. Gústanlle as matemáticas e as linguas e no recreo queda na clase debuxando. Tamén lle gustan os deportes, o que máis o baloncesto. Xoga co número 27. É moi bo xogador.

O día 5 de decembro viñeron unhas mulleres do Club de Amigos e Amigas da Discapacidade a falar sobre a discapacidade. Puxéronnos un vídeo dunha persoa chamada Diego que era cego pero por ser cego non era distinto. Diego facía o traballo nun colexio normal e corrente. E preguntarédevos: como escribía? Facíao nunha máquina de escribir braille, con puntiños. Despois xogamos ao Trivial, fixemos un debuxo e collimos obxectos cos ollos tapados. Ao final fixéronnos unha enquisa. A min gustoume moito.

A discapacidade pode ser de dous tipos: física e mental. Un exemplo de física é a cegueira e da mental, a dislexia. Mais non debes pensar que non poden facer o mesmo ca nós. Bethoven era xordo e Stephen Hawking tiña esclerosis. Os discapacitados tamén xogan deportes coma o baloncesto e as carreiras de bicis.

Os nenos e nenas somos diversos, hainos cegos, inválidos, que usan muletas... 

O outro día falamos das discapacidades. Tivemos unha charla con xogos de como son as discapacidades e fixemos un mural. Da igual que non teñas pernas, podes correr igual; ou da igual que non teñas mans, podes pintar igual; ou da igual que sexas cego, podes ler e escribir igual. Por exemplo, a miña tía é cega pero cada día que vai a misa pídelle ao cura se pode recitar uns poemas que fai na casa e que estuda.  

A diversidade entende que todos somos diferentes. O día 3 de decembro celébrase o Día Internacional da Discapacidade. Puxéronnos un vídeo que se titula "Los colores de las flores". Diego é cego e mandáronlle facer  unha redacción con este título. Despois xogamos a uns xogos, fixemos un mural e por último déronnos un carnet.

A diversidade explícanos que hai persoas ás que lles falta unha perna ou un brazo, ou cegas, xordas ou mudas. Existen diferentes linguaxes para esta xente. Pero a esas persoas hai que axudalas porque con axuda si que poden facer as cousas. Todos necesitamos axuda algunha vez.

A diversidade é algo que hai en todas partes. É unha palabra que marda unha diferenza nun grupo, sexa física ou interna. Celébrase o tres de decembro. Eu púxenme no lugar desas persoas facendo diferentes actividades, por exemplo escribir o teu nome sen mans, a proba consistía en atar as túas mans e escribir o teu nome con calquera outra parte do corpo. Tamén me taparon os ollos e metín as mans nunha bolsa, a proba consistía en adiviñar que obxecto colleras. 
Aprendín que as persoas con discapacidade necesitan pequenas axudas para facer o mesmo ca nós.

Aclarando dúbidas sobre a exposición oral

Como vin que a actividade da exposición oral xeraba bastantes dúbidas, déixovos de novo o esquema que elaboraron os mestres do CEIP San Félix-Candás de Asturias (pinchade sobre a imaxe para vela máis grande), e aclaro os puntos. Por suposto, podedes deixar nos comentarios do blog ou na páxina de Facebook as preguntas que teñades acerca deste modo de traballo que non é moi distinto do que habitualmente facedes nas exposicións por equipos.

1. PREPARA A INTERVENCIÓN: o tema é libre, podes falar de calquera aspecto que vos guste, que vos produza curiosidade, sobre o que controledes un montón e do que poidamos aprender os demais...

2. ELABORADE UN GUIÓN: para iso vos proporcionei a folla pautada. Un exemplo de guión pode ser aquel que vos facilitou Andrea para facer o Power Point do Proxecto de recollida de lixo da praia de Razo. 

Outro exemplo de guión podería ser o seguinte se escolléramos como tema "A cultura mexicana" (sede creativos e buscade un tema diferente, non me copiedes...).

1. Idiomas empregados en México.
2. Tradicións relixiosas:
1. Reis Magos.
2. A Candelaria.
3. A Semana Santa.
4. O Día de Mortos.
5. Nadal.
3. Manifestación artísticas:
1. Pintura.
2. Escultura.
3. Arquitectura.
4. Cine.
5. Música.
6. Danza.
7. Literatura.
8. Fotografía.
4. Gastronomía (a súa comida).
5. Televisión (programas, series...).

3. ENSAIADE EN VOZ ALTA: este punto é fundamental para que a exposición saia todo o ben que queremos. Non se debe ler o traballo, aínda que nos podemos servir do guión.

4. FALADE AMODO E DE MANEIRA CLARA.

5. EMPREGADE OS XESTOS DE MODO AXEITADO: neste punto a fotocopia explica estupendamente o que debedes ter en conta.

6. UTILIZADE MATERIAIS DE APOIO: se queredes empregar un programa moi semellante ao Power Point e non o tedes na casa, podedes descargar de maneira gratuíta e totalmente segura o Paquete Libre Office, un software libre onde atoparedes LibreOffice Impress, no que tamén podedes crear diapositivas.

Aínda que non é obrigatario facelo mediante diapositivas, tamén podedes gardar fotos nun pen para poñer na pizarra dixital, facer un traballo con follas grapadas, un mural, unha maqueta, un lapbook... As posibilidades son infinitas!

Exemplo de que é un lapbook

7. NON VOS ENROIDES: o mellor é falar con corrección pero coas nosas propias palabras. Será máis fácil que nos presten atención.

8. DESFRUTADE! (para iso o propuxen): Encántame aprender pasándoo ben e sei que a vós tamén.

Non vos quededes con dúbidas, preguntade o que precisedes.

Pasádeo xenial nestas festas!

Vídeo de Escola Vedruna- Ángels 

Xoguemos ao Trivial para finalizar o trimestre!