Ainara: "Oh, la, la, París"

Bo día! Hoxe podedes desfrutar do proxecto que fixo Ainara sobre París, con esa portada e título tan bonitos. Non volo perdades!

David: "Traballo de sociais"

Tedes aquí o proxecto que fixo David sobre o Universo. Desfrutádeo!

Brais: "A Lúa e a Terra"

Velaquí o proxecto de Brais sobre a Lúa e a Terra! Botádelle unha ollada!

Noa: "O Universo"

Bo día! Hoxe tráiovos o proxecto que fixo Noa preguntándose por algunhas cuestións acerca do Universo. Para lelas ben, podedes pinchar sobre as imaxes e estas faranse máis grandes. Gústame cando deixades comentarios...non deixedes de facelo! Anima moito!

Saray: "O Sistema Solar"

Velaquí o traballo que fixo Saray sobre o Sistema Solar. Podedes pinchar sobre as fotos para velas máis grandes. Desfrutádeo moito! E non esquezades deixar un comentario se pasades por aquí!

Mateo Rodríguez: "O noso redor"

Bo día! Velaquí tedes o proxecto de Mateo Rodríguez sobre xeografía, titulado "O noso redor" (se vos van moi rápido as diapositivas podedes pausalas e avanzar manualmente). Desfrutádeo! E lembrade deixar un comentario se pasades por aquí!

Xabi: "Xeografía de costa"

Bo día! Hoxe tráiovos o proxecto de Xabi, que xira en torno ao mar. Como se lle nota que lle ten paixón!

Tamén fixo unha maqueta!

PD: lembrade deixarlles un comentario aos compañeir@s cando vedes os seus traballos. Fai moita ilusión!

Mateo Pena: "Extremadura, un destino moi interesante"

Bo día! Hoxe tráiovos o traballo que Mateo Pena fixo sobre Extremadura. Non lle falta detalle!

Aproveito, ademais, para mandarelle un "turrón" grande de orellas, unha aperta enorme e unha manchea de bicos a Saray, que hoxe cumpre anos. Parabéns!

Álex: "Xeografía divertida"

Ola a tod@s! Irei deixando aquí, no blog, os vosos proxectos de ciencias sociais. Hoxe podedes ver o de Álex, que nos demostra como a xeografía pode resultar divertida. 

Os vosos traballos poderedes velos no apartado "Proyectos". Por favor, animádevos a preguntar, abaixo en comentarios, cuestións ao autor/a do proxecto, tal e como facedes en clase. Tamén podedes felicitar polo traballo realizado xa que iso sempre reconforta moito.

Sigamos aprendendo uns dos outros!

Como vou avaliar o proxecto para poñer a nota de lingua galega?

Bo día!

Onte amoseivos a rúbrica para poñer a nota de ciencias sociais, hoxe tráiovos a de LINGUA GALEGA. Polo tanto, á hora de poñer á nota relativo a galego terei en conta os seguintes aspectos:

• CONTIDO: se o texto se axusta ben a aquilo que queremos dicir.
• ORGANIZACIÓN: se aparecen ben organizadas as ideas en parágrafos, títulos dos apartados...
• VOCABULARIO E GRAMÁTICA: se non hai castelanismos, se hai riqueza no vocabulario, se empregades correctamente os verbos, adxectivos, pronomes...
• USO DA LINGUAXE: se se comprende ben aquilo que queredes transmitir.
• ORTOGRAFÍA, ACENTUACIÓN E PUNTUACIÓN: isto está ben claro, non?

Calquera dúbida resólvovola en comentarios. 

Déixovos un exemplo xenial do bosquexo que fixo Mateo Pena, por se vos sirve de axuda.

Como vou avaliar o proxecto para poñer a nota de ciencias sociais?

Bo día!

Hoxe explícovos aquí o que vou ter en conta á hora de avaliar o voso proxecto para poñervos a nota de CIENCIAS SOCIAIS. Como podedes ver, a continuación, tedes a rúbrica, que é esa táboa de abaixo pola que vou avaliar cada un dos vosos traballos. Fixádevos que ten 5 apartados, e cada un deles segundo como o fagades de ben, poderedes optar a 2, 1'5, 1 ou 0 puntos (é dicir, un máximo de 10). 

Os apartados que terei en conta serán os seguintes:

• REDACCIÓN: O traballo deberá contar con:

• Índice.
• Introdución.
• Desenrolo (a maoir parte do traballo).
• Conclusión.

Deberá estar ben estruturado, ser claro e preciso. Tamén teñen que aparecer todos os apartados que hai no índice.

• EXTENSIÓN: Segundo o longo que sexa levará máis ou menos nota nese apartado.

• CONTIDO: Que estea ben representado o contido, sen que falten cousas nin tampouco "irse polas ramas", contando cousas que non veñen ao caso.

• PRESENTACIÓN: O traballo deberá estar ben presentado e contar con portada.

• CREATIVIDADE: Cantas máis ideas novedosas, chamativas...mellor!

Con todo isto poñerei a nota relativa á asignatura de CIENCIAS SOCIAIS, calquera dúbida deixádema en comentarios e resolveréivola. 

PD: Proximamente publicarei no blog que terei en conta para poñervos, nese mesmo proxecto, a nota de LINGUA GALEGA.

Algo sorprendente pasou no Reino das Sete Torres VII

O gandeiro foi ao monte co ferreiro no tractor de este. Un foi cazar raposos e outro foi cortar troncos na leira do gandeiro e tamén sacaron patacas. Cando volvían era noite e había unha manada de lobos na casa do ferreiro (e Rex na casa do gandeiro!).

- Pum, pum, pum, pum, pum, pum.

Coa escopeta mataron aos lobos. E de súpeto, raposos!

- Non! Onde? -dixo o ferreiro.

- Pum, pum, pum, pum, pum, pum.

- Xa se acabou -dixo o gandeiro.

- Mellor estabamos na panadaría -dixo o ferreiro. E aló foron.

Brais.

Era un día pola mañá e a princesa Noa ía á panadaría de María mercar un croissant para Clío. De súpeto, tremou o chan:

- Hai un terremoto! -exclamou a princesa.

Foi onda o ferreiro e atopou ao can Rex coa súa armadura. Logo apareceu o ferreiro Bob Esponxa. A princesa díxolle a Bob:

- Está tremendo o chan, imos onda o granxeiro Francisco.

E así foi. Francisco dixo:

- Ola, princesa. Ola, Bob Esponxa. 

Eles contestáronlle:

- Sabes que está tremendo o chan?

- Que dicides? Imos coa vampiresa Pepa. 

Entón reuníronse todos no Castelo dos Soños e Clío fixo unha merenda estupenda. Sen saber o porqué, a terra deixou de tremer e a princesa berrou:

- Viva, viva!

E colorín, colorado este conto está rematado.

Noa.

Algo sorprendente pasou no Reino das Sete Torres VI

A panadeira María estaba a piques de morrer. O can Rex foi moi rápido á casa dos bruxos e díxolles:

- Dádeme a cura.

Eles déronlle unha cura con veleno porque pensaban que Rex era tonto pero non era tonto. Rex foi onda o gandeiro Francisco e este, coma por arte de maxia, curou a María.

Álex.

No Reino das Sete Torres era de noite e escoitábanse aullidos no Monte de Petón do Lobo. Foi cando espertaron todos. Desapareceran os animais do gandeiro e do ferreiro!

O ferreiro foi preguntarlle ao gandeiro se os tiña el. El díxolle o mesmo. Entón foron en busca dos animais. Foron co tractor do ferreiro e engancháronlle o remolque dos animais e meterénsone no monte na súa busca. 

Cando chegaron ao monte atopáronos á beira da estrada. Esta estrada foi dar a Razo e foron á praia a bañarse.

Despois volveron ao Reino das Sete Torres e colorín colorado este conto está rematado.

Xabi.

Algo sorprendente pasou no Reino das Sete Torres V

Unha vez o ferreiro, que vivía no Reino das Sete Torres, foi á cidade a ver á súa tía que resultou que tivera unha filla. A nena aínda non tiña nome así que o ferreiro Bob Esponxa púxolle o nome de Alba. 

Dous anos despois a Alba mercáronlle un tobogán e aos dez anos foi ao Reino das Sete Torres, á casa do ferreiro. O ferreiro ensinoulle a usar as espadas para defenderse. Despois foi facer unha visita ao Castelo dos Soños, onde vivía Clío e a princesa Noa e fixéronse moi bos amigos. Logo, voltou á cidade.

Mateo R.

Algo sorprendente pasou no Reino das Sete Torres IV

Era un día normal e corrente no Reino das Sete Torres e un día normal no Castelo dos Soños. Clío tomaba o seu almorzo na cama como sempre. Nada máis empezar, sentíu unha dor fortísima na barriga. E non era de fame! E ela preguntouse: - que era?-. Clío foi correndo a avisar á princesa Noa. 

E despois de conversar e conversar, Noa decidíu chamar ao médico. O médico díxolle que estaba esperando un bebé e nese momento Clío desmaiouse. En canto se recuperou, foi á sala máis silenciosa de todo o castelo. Pasaron máis de 8 meses. Xusto despois, o parto, que se vos preguntabades se sabía que era o bebé, pois non, quería unha sorpresa. E sorpresa tivo! Tivo unha bebé unicornio preciosa.

DESCRIPCIÓN DO BEBÉ
Selene é o bebé unicornio, que vive coa súa mamá no Castelo dos Soños.
O seu corno é de cor gris, o seu pelo é morado con mechas azuis, os seus ollos son verdes, o seu nariz redondo, as súas meixelas rosadas e a súa boca pequena. Sempre levaba posto o seu pañal.

Ao día seguinte todos estaban reunidos xuntos rodeando a porta do castelo mentras que a princesa Clío daba a noticia. E colorín colorado este unicornio quedou calado.

Saray.

Algo sorprendente pasou no Reino dos Sete Torres III

Un día, nunha casa abandonada, escoitáronse uns ruídos. Jank foi mirar pero non atopou nada, só un Opel aparcado xunto a casa. Despois, no garaxe, escoitouse outro ruído, foi ver pero non atopou nada. Logo mirou no galiñeiro e tampouco encontrou nada. Ao final, pediulle axuda a Bob Esponxa e ao seu can. Jank ía ao galiñeiro, Bob Esponxa e o seu can ao garaxe e nada. 

Un día, diante das portas dos habitantes do Reino das Sete Torres, atopouse unha nota que dicía: "Veñan todos os habitantes ao centro social".

Foron alí e estaba unha vampiresa que se chamaba Pepa e que lles explicou que se mudara a unha casa abandonada. Jank, Bob Esponxa e o seu can entenderon que todos os ruídos facíaos Pepa. E...colorín colorado, este conto está acabado.

Diego.

Algo sorprendente pasou no Reino das Sete Torres II

Había unha vez un reino que tiña sete torres, era sorprendente e máxico. En cada torre vivía un ser máxico. Na primeira vivía un guerreiro que loitaba contra calquera ameaza que se lle presentara por diante. Na segunda, unha princesa que era a máis presumida e coqueta de todos. Na terceira, vivía unha bruxa que lle lanzaba un conxuro a calquera que fose mala persoa con ela. Na cuarta, vivía un rei que só quería a fama e o diñeiro para el. Na quinta, vivía unha raíña que sempre durmía. Na sexta, vivía un mago que axudaba a aquel que o precisase e na séptima vivía un dragón que controlaba todo o que sucedía.

Entre todos estes había unha moi mala relación, xa que non se soportaban os uns aos outros e cada vez que se  cruzaban na rúa empezaban a insultarse, xa que todos querían o poder e chegar a gobernar o mundo.

Pero un día, tremou a Terra, xa que por culpa destes seres fantásticos e polas pelexas que tiñan esto sucedeu. Eles aprenderon a convivir e acabaron por festexar a súa amizade todos os días.

David.

Algo sorprendente pasou no Reino das Sete Torres I

Estreamos novo proxecto situado no noso Reino das Sete Torres. Esta vez, con historias co título "Algo sorprendente pasou no Reino das Sete Torres", coma esta:

Un día, atopándose María a panadeira colocando todo o que tiña na panadaría e o dragón Manuel facendo o resto do pan, decidiron arrincar cara o castelo do rei David e do seu fillo Jank. Ían de camiño, cando, de súpeto, pincharon unha roda. Entón chamaron a Bob Esponxa que os estivo axudando mentras que María repartía o pan. Por suposto a Bob saíulle o pan gratis...

Irene.

El Reino de las Siete Torres: el granjero Fran y el dragón Manuel

Ola, me llamo Francisco. Soy muy alto, tengo una naricilla pequeña y una boca grande. Visto ropa vieja. Lo que me gusta hacer es cazar lobos.

Brais.

Manuel es un dragón valiente, muy muy grande. Es verde y le gusta ayudar a los demás y... ¡quemarles el culo a los brujos!

Isaac.

El Reino de las Siete Torres: descripción de la princesa Noa y la unicornio Clío

Me llamo Noa. Tengo el cuerpo ágil y bajo. Mi pelo es rizado y rosa, mi cara dulce y la frente lisa. Mis ojos son azules, con unas cejas suaves y unas pestañas rizadas. Tengo la nariz chata y el cuello elegante. Mis labios son rojos, mis dientes, blancos y las mejillas sonrosadas. Tengo unas manos jóvenes y unas piernas flacas.

Mi forma de vestir es elegante. Tengo un carácter amable, soy muy habladora y educada. Me gusta estar con mi unicornio Clío.

Noa.

Clío es una unicornio que vive en el castillo y en el bosque.

Es de color blanco y alta. Tiene unos cascos grises  y unas alas grandes y blancas. 

Su pelo es rosa y su frente es plana, sus cejas son finas. También tiene unos ojos medianos y de color negro y una boca pequeña.

Siempre lleva puesta una tiara con un diamante azul en el medio.

Clío es valiente, simpática y amable. En su tiempo libre le gusta hacer moda y diseño.

Saray.