Bo día! Tal e como vos propuxen onte, hoxe podedes facer un esquema na libreta de ciencias naturais pero, desta vez, sobre "OS ANIMAIS INVERTEBRADOS". Pincha sobre as imaxes para documentarte.
Todas as imaxes son de National Geographic
Este é o esquema que fixo Álex onte, sobre animais vertebrados e invertebrados.
Lembrade que hoxe, en CLAN, tedes clase de lingua castelá e idiomas ás 11h.
Bo día! Hoxe propóñovos que, tras ver os vídeos e a idea que vos plantexo sobre como facer o esquema (o voso pode ser distinto), fagades un na vosa libreta de ciencias naturais sobre "OS ANIMAIS VERTEBRADOS".
VÍDEOS SOBRE COMO CLASIFICAR OS ANIMAIS
Pincha sobre a imaxe dos colibrís e infórmate!
PROPOSTA PARA FACER O ESQUEMA DOS ANIMAIS VERTEBRADOS
Pincha sobre os pingüíns para velo!
VÍDEOS CON INFORMACIÓN SOBRE OS ANIMAIS VERTEBRADOS
Aproveitando que comezamos a semana déixovos por aquí uns horarios por se os queredes empregar para organizar o voso tempo de traballo, así como unha imaxe que resume estupendamente a Técnica do Pomodoro da que vos falei o outro día.
Horarios de kankajotueliges
Imaxe de exitoytiempo
A tarefa que vos propoño é que busquedes nun libro ou en internet un texto sobre algún tema que vos pareza interesante e seguir os pasos que aparecen a continuación para facer un esquema (podes pinchar sobre a imaxe para vela máis grande):
Imaxe de infoedugrafias
Tras facer o esquema (lembra poñerlle o título), nun folio, podes tomarlle unha foto e mandarmo por correo ou Whatsapp, se considero que fixeches un bo traballo subireino ao blog. Anímate!
PD: Hoxe, ás 11h en CLAN, tedes clase de matemáticas.
Hoxe tráiovos unha continuación do que estuvimos ata o de agora traballando mediante as fichas adicadas a técnicas de estudo, para que sigades completando este tema tan importante na vosa vida. Fixádevos ben na infografía que vos mostro a continuación (unha infografía consiste na combinación de imaxes moi claras e sinxelas de entender, gráficos e texto coa fin de comunicar dun xeito visual a información que queremos transmitir; algo así como un esquema) e vede tamén o vídeo e contestade en comentarios ás preguntas que vos plantexo. Tamén podedes consultar dúbidas ou dar a vosa opinión.
Infografía de Ramón Aragón
A continuación, un vídeo no que Nisabelt explica a Técnica Pomodoro, técnica que persoalmente empreguei moitísimo no meu estudo.
Moitas gracias a Ramón Aragón e a Nisbelt por estes magníficos recursos.
Estas son as preguntas que debedes responder tras observar detidamente a infografía de ver o vídeo:
1. A que cres que se refire a infografía no apartado 1. LA IMPORTANCIA DEL CONTEXTO? Garda relación con algo do que traballamos nas fichas de Técnicas de Estudo?
2. Que técnica propón a infografía para FRACCIONAR (fraccionar vén de fracción: dividir, repartir) O TEMPO?
3. Cales son os catro verbos que resumen o MÉTODO IDEAL?
4. Como debiamos subliñar?
5. Como debiamos facer esquemas?
6. Coñecías a Técnica do Pomodoro? Que significa a palabra italiana "pomodoro"?
7. En que consiste esta técnica?
8. Tras ver o vídeo, cales cres que son as súas vantaxes?
9. E as súas desventaxas?
10. A min resúltame moi útil a Técnica do Pomodoro, pero tal como di Nisbelt, cada persoa é un mundo, e xa dixemos en clase que non todas as técnicas sirven para todos nin as empregamos do mesmo xeito, Cres que para ti pode resultar útil? Para que a poderías empregar? 11. Na caixiña de información tedes os imprimibles para levara a cabo esta técnica. Vas imprimir ou elaborar pola túa conta os tomates? 12. Tamén na caixiña de información podedes atopar a dirección web do cronómetro TOMATO TIMER. Eu teño no meu móbil a App CLEARFOCUS. Utilizarás algún destes recursos? PD: Podedes seleccionar as preguntas, copialas e pegalas en comentarios e despois contestalas ou respondelas poñendo os números, tal e como facedes no Clube de Lectura.
