Ola a todos! Este luns vai ser un pouco especial. Ímolo empregar para investigar todo aquilo que nos produza curiosidade antes de marchar de excursión a Laxe e a enseada da Ínsua. Propoño os seguintes temas (aínda que estou aberta a posibles suxestións):
- A PESCA NA COSTA DA MORTE.
- FAROS E NAUFRAXIOS.
- A NAVEGACIÓN E A ASTRONOMÍA.
Traballaremos en equipos de tres que se formarán segundo os intereses que teña cada quen. Tras formarse os grupos, os compoñentes farán unha chuvia de ideas, e a partires de aquí faranse preguntas ás que intentarán dar resposta. Facilito a continuación recursos que atopei en internet e na clase proporcionareivos mapas, libros, dípticos informativos... asi coma cartolinas, folios de cores e todo o que precisedes para facer o voso traballo. Este traballo pode constar de texto, imaxes que imprimamamos, mural... Como o queirades facer é cousa vosa! O importante e chegar a respostar as preguntas que vos facedes! Eu estarei para botarvos unha man, ou as dúas...
