Receita de nuggets de polo e queixo de Xabi

INGREDIENTES

• 250 g de polo picado.
• 100 g de queixo raiado (nós usamos emmental).
• Un ovo.
• Un chisquiño de sal e outro de pementa moída.

PREPARACIÓN:

Mesturamos todos os ingredientes moi ben coas mans.

Toca empanar! Fariña+ovo+pan raiado.

Facemos boliñas, aplastámolas e rebozamos en fariña, logo en ovo e, por último, en pan raiado.

Nós facémolas no forno que son máis saudables, pero tamén se poden fritir.

Xabi, dinos en comentarios a temperatura do forno e o tempo que deben estar. Seguro que están riquísimos!

Receita de pastas de Mateo R

INGREDIENTES:

• 450 g de fariña.
• 140 g de azucre.
• 250 g de manteiga.
• 2 ovos.

PREPARACIÓN:

Mesturamos a manteiga co azucre.

Engadimos os ovos e mesturamos.

Engadimos pouco a pouco a fariña tamizada.

Amasamos coas mans.

Esa masa unha vez que estea compacta, envolvémola en papel film e deixámola na neveira mínimo unha hora.

Partimos a bola pola metade.

Coa axuda dun rodillo amasamos.

Cos moldes cortamos as pastas.

Metémolas no forno a 170°C, uns 15 minutos, ata que estean douradas.

Mateo R

Seguro que están deliciosas, Mateo!

PD: Para a semana publicarei a receita duns ricos nuggets que preparou Xabi xunto coa súa irmá.

Animádevos a compartir máis receitas para poder facelas estes días caseiros.

Receitas de Álex

FOLLADO

Bótaslle salsa de tomate á lámina de follado, unha capa de queixo e outra capa de salsa de tomate. Despois dúas capas de xamón cocido. Mentras estás facendo isto, debes ir prequecendo o forno a180°C.

Posteriormente, tapas o follado e cun garfo presionas cara abaixo os poucos para que pareza unha empanada.

Vernízalo con ovo e metes o follado no forno arredor de media hora a 180°C.

Cando estea feito, déixao repousar 10 minutos e xa podes comelo!

EMPANADILLAS

Para poder facer as empanadillas, precisas pasar ovos por auga e pochar cebolas. Para pochar as cebolas tes que fritilas a lume lento durante 20 minutos.

Cando os ovos e as cebolas estean listos, fas unha mestura con eles e con atún e salsa de tomate. 

Despois colles as obleas e bótaslle un pouco desta mestura e despois tápalas co garfo dándolle forma de empanadillas.

A continuación, pos as empanadillas no forno 20 minutos e déixalas repousar 10 minutos.

Lembra que é moi importante lavar previamente as mans!

Álex.

PD: podedes animarvos a mandarme máis receitas e publicareinas no blog. Dicídelle a Álex se vos animastes a facer algunha das súas receitas... Teñen unha pinta estupenda e seguro que está todo riquísimo!