4º Reto: cantemos BINGO!

Facemos este divertidísimo bingo de lectura? Non fai falta que o imprimades, podedes escribirme nos comentarios cando cantedes liña (pode ser vertical ou horizontal). Haberá alguén capaz de cantar BINGO??

Idea tomada de BigLifeJournal. /Imaxe de StockSnap.

3º Reto: facemos un manual de instruccións?

Bo día! Atréveste co reto desta semana? 

Debes crear unhas instruccións. 
Como? Pois trátase de escribir  unhas instruccións (podes acompañalas dun debuxo). Se te animas, podes incluso facer un vídeo-titorial, coma un auténtico youtuber! 
E de que? Pois velaquí algunhas ideas:
- A auga corrente da casa.

- A electricidade.

- Unha plancha.

- Unha lavadora.

- Un lavalouzas.

- Como coser un botón

- Como lavar as mans correctamente...

Imaxe de Andrea Piacquadio

Pero ti podes mostrarnos como funciona calquera outra máquina da túa casa ou como fas outra actividade que aprenderas nesta corentena.

Estou desexando coñecer as túas instruccións!

Atréveste?

2º Reto: eres capaz de acertalos todos?

Imaxe de Pixels

Boa tarde! Atréveste con este reto? Mándame a resposta por mail ou por WhatsApp nunha cuadrícula, só co número que corresponda á contestación ou ben copiando os enunciados na libreta. Se os tes todos ben, podes contar cun positivo en mates!

1º Reto: debuxa o plano da túa casa! Atréveste?

Bo día! Hoxe vouvos propoñer o primeiro dunha serie de reto! Siiiii! Fagamos isto máis interesante... De feito, ata vou facer unha pestana nova como apartado de retos, só para @s máis valentes...

Tal e como propuxen coas FICHAS DE LECTURA, se estes retos están ben feitos, obteredes un positivo na área que corresponda, neste caso sería en matemáticas.

Imaxe de GraphicMama-team

1º RETO: Elaborar un plano da túa casa. Para iso precisarás un instrumento de medida determinado e ter en conta a escala (a relación que hai entre a superficie da casa e o que estaś representando no plano). Non quero dar máis pistas porque quero ver moitos planos diferentes...

Os planos serán publicados neste post.

Atréveste?

Mateo Rodríguez si que se atreveu! Ollade o plano da súa casa! Podedes pinchar sobre a foto para vela máis grande.

Noa tamén se animou a facer o seu plano da casa, que está moi clariño. Vedes?

Ollade que chulo o plano de Xabi! Con escala e todo!

O plano de Irene tamén é estupendo. Non vos parece?