Como somos? Como son?

Bo día! Hoxe non vos traio un reto, esta vez propóñovos que cubrades esta táboa. É moi parecida á actividade da "persiana" que xa fixemos outras veces. Se tedes dúbidas acerca do que significan as palabras podedes buscalas no dicionario da RAG e se seguides sen telo demasiado claro, podedes preguntarme nos comentarios. Se participamos todos, sairá moito mellor, veredes o que fago con isto o día da Asemblea "Festa de Fin de Curso"...

Pinchade sobre a foto para cubrir a enquisa: 

Imaxe de Padrinan

Se queredes ver a táboa enteira podedes variar o zoom nos tres puntiño que hai enriba á dereita. Eu véxoa completa nun zoom de 50%.

Moitas gracias pola vosa participación.

Estes serán os temas da asemblea de mañá e vantaxes que lle atopastes á corentena

Como ben sabedes, mañá, ás 11h, temos asemblea, empregando Jitsi Meet e escribindo: Razomolamazo4.

Por favor, lembrade as normas das que falamos o mércores pasado para poder ter unha xuntanza agradable e de proveito.

Estes son os temas que trataremos nesta asemblea e que decidimos na reunión anterior.

• Cousas e accións para levar a cabo cando temos "o cerebro destapado"
• Propostas para os nosos momentos de ocio.
• Agradecementos.
• Turno para que vós propoñades outros temas.

Imaxe de Burst

Déixovos tamén algunhas das vantaxes que lle atopastes á corentena:

• Ver o ceo cun telescopio.
• Pasar máis tempo co meu can/cadela, gato/gata...
• Aprender acerca de ciencia ambiental.
• Ter máis tempo para xogar.
• Aprender e facer máis tarefas da casa.
• Aprender a cociñar.
• Tomar o sol.
• Botar máis tempo coa miña familia.
• Ver as pelis de Netflix.
• Falar cos meus amig@s por vídeo-chamada.
• Desfrutar moito máis as pequenas saídas.
• Contar con máis tempo libre.
• Non ter que madrugar tanto.
• Poder organizar o meu tempo para facer as tarefas.
• Poder deitarme máis tarde.
• A diminución dos contaxios.
• Xogar a videoxogos.
• A diminución dos danos na atmosfera, e no uso do combustible, o que revirte nun descenso na contaminación.
• Empregar máis tempo o ordenador.
• Coidar da horta.
• Aquelas persoas que viven en edificios, agora coñecen a algúns veciñ@s que viven en fronte deles, tras saír ao balcón/ventá a aplaudir.
• Contar con máis tempo para ler.

Preparemos a asemblea de mañá!

Bo día!

Mañá empezamos coas asEmbleas por vídeo-chamadas. Lembrade: todos os mércores, ás 11h!

Imos empregar a ferramenta Jitsi Meet. 

USAR JITSI MEET DENDE O ORDENADOR

Para acceder dende o ordenador, unicamente debes facer o que indico neste pequeno titorial e listo!

USAR JITSI MEET DENDE O TELÉFONO MÓBIL OU TABLET

Para acceder dende o teléfono móbil ou tablet, debedes descargar a aplicación tal e como vos digo no seguinte titorial:

Os temas a tratar serán:

• Como funciona Jitsi Meet:
• Activar a cámara e o audio.
• Poñer o voso nome.
• Respectar os turnos e o botón de silenciar.
• Algo positivo desta cuarentena.
• Algo que aprendín a facer.
• Turno para que vós propoñades outros temas.

Vémonos todos os mércores, ás 11h!

Imagen de rawpixel.com

Bo día! Antes de nada quero agradecervos a vosa participación na enquisa! Gracias a ela podemos ver que é o que vos vén mellor á maioría. Así que xa temos día e hora para as asambleas que levaremos a cabo mediante vídeo-chamada: os MÉRCORES, ÁS 11h. 

A partir da semana que vén, é dicir, o MÉRCORES 13, verémonos (aqueles/as que poidades) e faremos esas asambleas que tanto vos gustan. Non se trata de reunións para resolver dúbidas das tarefas (iso podedes preguntarmo de maneira individual), falaremos de como nos sentimos e faremos xogos como os que faciamos nas asambleas, no cole. Polo momento, e tal e como dixen, serán todos os mércores, ás 11h. Iremos vendo, e segundo como vaian funcionando, faremos os cambios precisos.

O martes 12 proporcionareivos un vídeo-tutorial para que poidades acceder á reunión, xa veredes que é moi sinxelo. Aqueles que non poidades acceder mediante ordenador, deberedes instalar no voso teléfono Jitsi Meet. Os que tedes ordenador, tédelo aínda máis fácil: douvos un link ao que debedes acceder e o nome da reunión e listo! 

Todos os martes irei informando no blog dos temas que traballaremos nas asambleas o día seguinte. Estou moi ilusionada! E vós?